Ajuda estudante Bíblia atu haburas relasaun diʼak ho Jeová

Jeová hakarak ita serbí nia tanba domin. (Mt 22:37, 38) Domin ba Maromak mak fó forsa ba estudante Bíblia atu halo mudansa neʼebé sira presiza no hamriik metin kuandu hasoru susar. (1Jo 5:3) Domin ba Maromak mak sei book sira atu hetan batizmu.

Ajuda Ita-nia estudante atu haree katak Maromak hadomi sira. Husu pergunta hanesan: “Ida-neʼe hanorin saida ba Ita kona-ba Jeová?” ka “Oinsá mak ida-neʼe hatudu katak Maromak hadomi Ita?” Ajuda sira atu haree rasik oinsá mak Jeová ajuda sira iha sira-nia moris. (2Kr 16:9) Konta Ita rasik nia esperiénsia kona-ba oinsá mak Jeová hatán ba Ita-nia orasaun espesífiku, no anima sira atu buka-hatene oinsá mak Jeová hatán ba sira-nia orasaun. Ita sei haksolok tebes kuandu estudante sira sente Jeová nia domin no fó sai katak sira mós hadomi tebes Jeová.

HAREE VÍDEO DRAMA AJUDA ITA-NIA ESTUDANTE BÍBLIA ATU HABURAS RELASAUN DIʼAK HO JEOVÁ, DEPOIS HATÁN BA PERGUNTA TUIRMAI:

• 

  Dalia hasoru problema saida?

• 

  Oinsá mak Nita ajuda Dalia?

• 

  Oinsá mak Dalia konsege manán hasoru ninia problema?