Oinsá mak irmán sira bele aumenta sira-nia serbisu ba Jeová?

Irmán sira halo buat barak tebes atu apoia Maromak nia Ukun. (Sal 68:11) Sira halaʼo estudu Bíblia barak no pioneiru regulár barak liu mak irmán sira. Irmán rihun ba rihun badinas halo serbisu iha Betel, serbí nuʼudar misionáriu, ka hola parte iha serbisu konstrusaun, no tradusaun. Irmán sira neʼebé maduru hametin sira-nia família no kongregasaun. (Prv 14:1) Maski irmán sira la serbí nuʼudar katuas ka atan ba kongregasaun, sira bele nafatin halo sira-nia planu espirituál atu ajuda kongregasaun. Se Ita mak irmán, iha dalan saida deʼit mak Ita bele aumenta Ita-nia serbisu ba Jeová?

• Haburas hahalok diʼak nuʼudar ema Kristaun.—1Ti 3:11; 1Pe 3:3-6

• Ajuda irmán seluk iha kongregasaun, neʼebé seidauk iha esperiénsia.—Tit 2:3-5

• Fahe tempu barak liután ba serbisu haklaken no aumenta matenek

• Aprende língua seluk

• Muda ba kongregasaun neʼebé presiza ajuda

• Aplika atu serbí iha Betel ka ajuda halo serbisu konstrusaun

• Aplika ba Eskola ba Haklaken-Naʼin Tempu Tomak

HAREE VÍDEO “FETO SIRA-NEʼE HALO SERBISU MAKAʼAS IHA NAʼI”, DEPOIS HATÁN BA PERGUNTA TUIRMAI:

• Oinsá mak irmán ida-idak nia komentáriu fó korajen ba Ita?