Joven sira—Fó sai Ita-nia hanoin no sentimentu ba inan-aman

Tanbasá mak Ita presiza koʼalia nakloke ba inan-aman hodi fó sai Ita-nia hanoin no sentimentu? (Prv 23:26) Tanba Jeová mak fó knaar ba sira atu tau matan ba Ita no hanorin Ita. (Sal 127:3, 4) Se Ita subar deʼit Ita-nia hanoin no laran-susar, neʼe halo difisil ba sira atu ajuda Ita. No Ita mós sei la aprende lisaun husi sira rasik nia esperiénsia. Entaun sala ka lae, atu la koʼalia sai buat neʼebé Ita hanoin no sente? Neʼe la sala depende ba situasaun, maibé Ita presiza kuidadu atu la lohi Ita-nia inan-aman.—Prv 3:32.

Oinsá mak Ita bele koʼalia ho Ita-nia inan-aman? Hili tempu neʼebé diʼak ba Ita no mós ba sira. Se susar atu halo ida-neʼe, Ita bele hakerek karta ba sira ida atu fó sai Ita-nia sentimentu. Oinsá se sira hakarak koʼalia kona-ba tópiku neʼebé Ita lakohi koʼalia? Hanoin-hetan katak sira hakarak duni atu ajuda Ita. Haree Ita-nia inan-aman nuʼudar maluk iha ekipa ida, laʼós nuʼudar inimigu. Se Ita hakaʼas an atu komunika didiʼak ho Ita-nia inan-aman, neʼe sei lori benefísiu ba Ita iha Ita-nia moris tomak no ba nafatin!—Prv 4:10-12.

HAREE VÍDEO HAʼU-NIA MORIS JOVEN NIAN—OINSÁ HAʼU BELE KOʼALIA HO HAʼU-NIA INAN-AMAN? DEPOIS HATÁN BA PERGUNTA TUIRMAI:

• 

  Esther no Partik rekoñese saida kona-ba sira-nia an?

• 

  Saida mak Ita aprende husi Jesus nia ezemplu?

• 

  Oinsá mak Ita-nia inan-aman hatudu katak sira hanoin Ita?

• 

  Bíblia nia prinsípiu saida deʼit mak bele ajuda Ita atu koʼalia ho Ita-nia inan-aman?