Sé mak Ita-nia belun iha média sosiál?

Belun mak ema neʼebé laran-metin ba malu no hadomi malu. Porezemplu, depois David oho tiha Golias, Jonatan no David sai belun diʼak. (1Sa 18:1) David hatudu hahalok diʼak neʼebé book Jonatan, no Jonatan mós halo nuneʼe. Sira-nia relasaun metin nuʼudar belun bazeia ba koñesimentu neʼebé loos. Baibain presiza tempu no hakaʼas an atu koñese didiʼak ema ida. Maibé iha média sosiál, ema bele sai “kolega” lalais hodi klik deʼit telefone ka tablet. Tanba Iha média sosiál ema bele deʼit uza liafuan neʼebé diʼak atu lohi ema seluk, neʼe halo fasil deʼit ba ema hanesan neʼe atu subar loloos sira mak ema hanesan saida. Tan neʼe, diʼak atu deside nanis kritéria husi ema neʼebé atu sai ita-nia belun iha média sosiál. Se ema neʼebé Ita la hatene ho didiʼak mak husu atu sai Ita-nia kolega, lalika taʼuk atu la simu ema neʼe tan deʼit Ita lakohi halo nia triste. Irmaun-irmán balu deside atu la uza média sosiál hodi bele sees husi perigu oioin. Maibé se Ita hili atu uza média sosiál, saida mak Ita presiza hatene?

HAREE VÍDEO UZA SÍTIU BELUN NIAN HO MATENEK, DEPOIS HATÁN BA PERGUNTA SIRA TUIRMAI:

• 

  Antes atu posting komentáriu ka foto ruma, Ita presiza hanoin kona-ba saida?

• 

  Tanbasá mak Ita presiza hili didiʼak Ita-nia kolega iha média sosiál?

• 

  Tanbasá mak Ita presiza tau limite ba tempu neʼebé Ita uza ba média sosiál?—Éf 5:15, 16