Hasees an husi perigu sira kona-ba média sosiál

TANBASÁ IMPORTANTE: Média sosiál dala ruma iha benefísiu, no mós iha perigu. Ema kristaun balu hili atu la uza média sosiál, seluk uza média sosiál atu kontaktu ho família no kolega sira. Maibé Diabu hakarak ita atu uza média sosiál la ho matenek, no neʼe bele hafoʼer ita-nia naran no estraga ita-nia relasaun ho Jeová. Hanesan Jesus, ita bele uza Bíblia nia prinsípiu atu buka-hatene perigu sira, no sees husi perigu sira-neʼe.​—Lc 4:4, 8, 12.

PERIGU SIRA NEʼEBÉ ITA PRESIZA SEES:

• Uza demais média sosiál. Tempu atu halaʼo atividade espirituál nian mak folin boot tebes. Maibé se ita gasta oras barak hodi uza média sosiál, neʼe bele naʼok ita-nia tempu

  Bíblia nia prinsípiu sira: Éf 5:15, 16; Flp 1:10

• Haree buat neʼebé foʼer. Haree foto sira neʼebé la morál bele lori ita atu kaan pornografia ka envolve an iha hahalok sala seksuál. No se ita lee informasaun husi ema neʼebé uluk iha lia-loos maibé agora kontra fali bele estraga ita-nia fiar

  Bíblia nia prinsípiu sira: Mt 5:28; Flp 4:8

• Tau komentáriu ka foto neʼebé ladiʼak. Tanba laran mak makerek, karik ita sei tau komentáriu ka foto neʼebé ladiʼak iha média sosiál. Maibé ida-neʼe bele hafoʼer ema nia naran diʼak ka halo ema seluk nia fiar sai fraku

  Bíblia nia prinsípiu sira: Rom 14:13; Éf 4:29

HAREE VÍDEO UZA SÍTIU BELUN NIAN HO MATENEK, DEPOIS KOʼALIA KONA-BA OINSÁ ATU HASEES AN HUSI SITUASAUN TUIRMAI NEʼE: