MORIS NUʼUDAR EMA KRISTAUN

Sujestaun atu uza Moris Haksolok ba Nafatin

Ita kontente ka lae uza livru Moris Haksolok ba Nafatin neʼebé iha vídeo no pergunta oioin? Oinsá ho parte “Ema balu dehan”, “Planu”, no “Buka-hatene liután”? Buat saida tan mak bele ajuda ita atu halaʼo estudu Bíblia?—Mt 28:19, 20.

Livru “Moris Haksolok ba Nafatin” iha aplikasaun “JW Library”. Sinál hatudu ba “Média ba Parte 1.”

Média: Se Ita gosta liu atu halaʼo estudu Bíblia hodi uza livru, oinsá atu asesu ba vídeo no média seluk iha dalan neʼebé fasil? Hili parte ida husi parte haat iha livru dijitál. Parte neʼe fó sai lista kona-ba títulu ba lisaun sira, no iha kraik liu mak média hotu neʼebé uza ba parte neʼe. (Haree dezeñu 1.)

“Versi Tercetak”: Se Ita estuda ho ema hodi uza sasán eletróniku, karik diʼak atu dala ruma hili “Versi Tercetak”. Kuandu loke hela lisaun ida, hili pontu tolu iha parte leten liman-loos no hili “Versi Tercetak”. Neʼe bele ajuda Ita atu hanoin kona-ba oinsá mak informasaun neʼebé Ita koʼalia daudaun iha ligasaun ho tema ba lisaun neʼe. Atu fila fali ba versaun dijitál, hanehan fali pontu tolu no hili “Versi Digital” ka buti sinál kabuar neʼebé kór-violeta iha kraik.

Livru “Moris Haksolok ba Nafatin” iha aplikasaun “JW Library”. Sinál hatudu ba kaixa “Haʼu prontu ka lae?” no “Apéndise.”

“Haʼu prontu ka lae?”: Kaixa sira iha parte ikus husi livru neʼe fó sai kritéria báziku atu bele haklaken hamutuk ho kongregasaun no atu hetan batizmu. (Haree dezeñu 2.)

Apéndise: Parte neʼe esplika kona-ba tópiku importante oioin. Iha livru dijitál, tópiku ida-idak fó sai link ba lisaun neʼebé iha ligasaun, neʼe halo fasil ba Ita atu fila fali ba lisaun neʼebé Ita estuda daudaun. (Haree dezeñu 2.)

Maski Ita-nia estudante laʼo ba oin no hetan ona batizmu, presiza estuda hamutuk Moris Haksolok ba Nafatin toʼo hotu. Ita bele kontinua sura oras, vizita fali, no estudu Bíblia maski Ita-nia estudante hetan ona batizmu. Se haklaken-naʼin ida akompaña Ita iha estudu neʼe, nia mós bele sura oras