Saida mak Ita-nia planu ba tinan serbisu tuirmai?

Planu espirituál inklui buat naran deʼit neʼebé ita hakaʼas an atu kumpre hodi bele serbí Jeová diʼak liután no halo nia kontente. Neʼe ajuda ita atu laʼo ba oin iha lia-loos, no dalan diʼak liu atu uza ita-nia tempu no forsa. (1Ti 4:15) Tanbasá mak ita presiza ezamina beibeik ita-nia planu? Tanba situasaun troka. Karik labele tan kumpre planu neʼebé uluk Ita halo ona, ka Ita kumpre tiha ona planu neʼe no bele halo planu seluk tan.

Tempu neʼebé diʼak atu hanoin kona-ba ita-nia planu mak antes hahú tinan serbisu nian. Ita bele ka lae, koʼalia kona-ba neʼe iha adorasaun família nian no halo planu pesoál no mós nuʼudar família?

Planu saida mak Ita bele halo iha área tuirmai neʼe? No planu kiʼik saida deʼit mak Ita bele halo atu kumpre ida-neʼe?