MORIS NUʼUDAR EMA KRISTAUN

Banati-tuir Jeová nia domin neʼebé laran-metin

Jeová fó ezemplu neʼebé diʼak liu kona-ba domin neʼebé laran-metin. (Sal 103:11) Domin neʼe laʼós deʼit sentimentu neʼebé sai buras no lakon lalais. Domin neʼebé laran-metin envolve sentimentu kleʼan no metin ba tempu kleur. Jeová hatudu domin hanesan neʼe ba ninia povu Izraél iha dalan oioin. Nia salva sira husi situasaun atan iha Ejitu no lori sira ba rai neʼebé nia promete. (Sal 105:42-44) Nia defende ninia povu no fó perdua beibeik ba sira-nia sala. (Sal 107:19, 20) Kuandu ita “hanoin didiʼak Jeová nia hahalok domin neʼebé laran-metin”, neʼe motiva ita atu halo tuir ninia ezemplu.—Sal 107:43.

Dezeñu sira: Foto husi vídeo “Hanoin didiʼak Jeová nia hahalok domin neʼebé laran-metin.” 1. Irmaun Capra no irmaun seluk vizita irmán ida iha ninia uma. 2. Irmaun Capra iha komarka hamutuk ho irmaun seluk, nia fó hahán ba irmaun ida neʼebé moras no toba hela.

HAREE VÍDEO DRAMA “HANOIN DIDIʼAK JEOVÁ NIA HAHALOK DOMIN NEʼEBÉ LARAN-METIN”, DEPOIS HATÁN BA PERGUNTA TUIRMAI:

Iha dalan saida deʼit mak ita bele hatudu domin neʼebé laran-metin?

Your answer
Tanbasá mak ita presiza halo sakrifísiu atu hatudu domin neʼebé laran-metin?

Your answer