MORIS NUʼUDAR EMA KRISTAUN
Inan-aman, ajuda imi-nia oan atu aplika Jeová nia hanorin
Atu ajuda oan sira aplika Jeová nia hanorin, dalan neʼebé diʼak liu mak ajuda sira atu hetan benefísiu husi reuniaun Kristaun. Buat neʼebé labarik no joven sira haree, rona, no fó sai liuhusi sira-nia komentáriu bele ajuda sira atu aprende kona-ba Jeová no sai Ninia belun. (Deu 31:12, 13) Se Ita iha oan, oinsá mak Ita bele ajuda sira atu hetan benefísiu liután husi reuniaun sira?
Hakaʼas an atu tuir reuniaun iha Reuniaun-Fatin.—Sal 22:22
Fahe tempu atu ransu ho irmaun-irmán sira iha Reuniaun-Fatin antes no depois reuniaun.—Ebr 10:25
Oan ida-idak presiza iha livru ka publikasaun dijitál neʼebé sei uza atu estuda iha reuniaun
Ajuda Ita-nia oan atu prepara komentáriu ho sira-nia liafuan rasik.—Mt 21:15, 16
Koʼalia buat neʼebé pozitivu kona-ba reuniaun no buat neʼebé ita aprende iha reuniaun
Ajuda Ita-nia oan atu hola parte iha atividade oioin hanesan hamoos Reuniaun-Fatin no koʼalia ho irmaun-irmán sira neʼebé idade iha kongregasaun
Atu ajuda Ita-nia oan hakbesik liután ba Jeová mak serbisu boot, no dala ruma Ita sente todan. Maski nuneʼe, Ita bele fiar katak Jeová sei ajuda Ita.—Isa 40:29.
HAREE VÍDEO INAN-AMAN TENKE SADERE BA JEOVÁ NO NINIA FORSA, DEPOIS HATÁN BA PERGUNTA TUIRMAI:
Tanba Zack no Leah sai kole demais, oinsá mak ida-neʼe fó impaktu ba sira-nia moris?
Tanbasá mak inan-aman presiza sadere ba Jeová atu hetan forsa?
Iha dalan saida deʼit mak Zack no Leah sadere ba Jeová?