Ita bele halakon ódiu!

Se lae, karik Ita haree ona ida-neʼe akontese ba ema seluk. Notísias fó sai beibeik kona-ba hahalok odi malu tanba rasa la hanesan ka diskriminasaun ba ema omoseksuál. Rezultadu mak ohin loron governu barak halo lei oioin atu fó kastigu ba ema neʼebé hatudu hahalok hanesan neʼe.

Dala barak ema neʼebé sai vítima ba hahalok odi mós sei hatudu hahalok odi no vinga, no siklu aat neʼe la iha rohan.

Karik Ita rasik mós iha ona esperiénsia kona-ba ema seluk hanoin sala ba Ita tanba rasa ka kór, goza, ka hatún Ita. Maibé ema balu halo buat neʼebé aat liután hanesan asalta, abuzu seksuál, oho, no mós jenosídiu.

Livru neʼe hatán ba pergunta tuirmai no esplika oinsá atu halakon odi malu:

• Tanbasá mundu nakonu ho ódiu?

• Oinsá mak bele hapara siklu odi malu?

• Loron ida hahalok ódiu sei lakon ba nafatin ka lae?