Sujestaun ba estuda

Oinsá atu deside buat neʼebé importante liu atu estuda?

Ita hotu ladún iha tempu barak atu bele halo estuda mesak. Entaun, oinsá mak ita bele aproveita tempu neʼe ho didiʼak? Primeiru, keta ansi. Duké lee informasaun barak ho ansi, diʼak liu atu estuda no fokus didiʼak ba informasaun uitoan deʼit. Ita sei hetan benefísiu barak liu hodi halo hanesan neʼe.

Tau uluk buat neʼebé importante. (Éf 5:15, 16) Ita sei haree sujestaun balu:

Lee Bíblia loroloron. (Sal 1:2) Ita bele komesa ho kapítulu sira neʼebé ita lee iha reuniaun loron baileet nian.
Prepara didiʼak ba Livru Haklaken no reuniaun loron baileet. Sai prontu atu fó komentáriu.—Sal 22:22.
Koko mós atu nonton no lee ai-han espirituál, hanesan ita-nia revista sira, vídeo sira no buat sira seluk iha jw.org.
Halo riset. Ita bele buka riset kona-ba problema sira neʼebé Ita hasoru, kona-ba pergunta sira, ka kona-ba tópiku balu husi Bíblia neʼebé Ita hakarak atu hatene liután. Atu hetan ideia kona-ba neʼe, bele haree iha “Atividade estuda nian” iha jw.org.