Sujestaun ba estuda

Dekór knananuk sira husi organizasaun

“Bainhira haʼu sente folin-laek, Jeová anima haʼu liuhusi knananuk sira husi JW Broadcasting^®.”—Lorraine husi Estadus Unidus.

Knananuk sira sempre sai parte ba ema Kristaun nia adorasaun. (Kol 3:16) Se Ita dekór knananuk sira-neʼe, neʼe sei ajuda Ita atu kanta maski Ita la iha livru knananuk ka sasán eletróniku nian. Atu ajuda Ita dekór knananuk sira, koko halo tuir sujestaun tuirmai.

• Lee didiʼak liafuan sira atu bele komprende ninia signifikadu. Se Ita komprende didiʼak buat ruma nia signifikadu, fasil liu ba Ita atu hanoin-hetan. Ita bele hetan liafuan sira ba ita-nia knananuk, inklui knananuk husi broadcasting no knananuk ba labarik sira iha jw.org. Loke Biblioteka no tuirmai Múzika.

• Hakerek liafuan sira iha surat-tahan. Hodi halo nuneʼe sei ajuda Ita atu hanoin-hetan liután.—Deut 17:18.

• Pratika ho lian. Lee ka kanta beibeik.

• Koko Ita-nia memória. Koko atu temi fali liafuan sira hodi la haree ba lirik, no tuirmai haree se Ita temi ho loloos ka lae.