Uza Bíblia nuʼudar espellu

Dixípulu Tiago kompara Bíblia hanesan espellu neʼebé ajuda ita haree ita mak ema oinsá. (Tgo 1:​22-25) Oinsá mak ita bele uza didiʼak Bíblia hanesan espellu?

Lee ho didiʼak. Se ita haree lalais deʼit ita-nia an iha espellu, karik ita sei la nota buat ruma neʼebé la loos. Nuneʼe mós, se ita lee Bíblia ho ansi, karik ita sei la haree saida mak ita presiza hadiʼa. Tan neʼe ita presiza lee Bíblia ho didiʼak.

Fokus ba Ita-nia an laʼós ema seluk. Dala ruma kuandu ita hateke ba espellu, ita mós bele haree ema seluk iha espellu neʼe, no karik ita sei fokus liu ba buat neʼebé la loos husi sira. Nuneʼe mós, se ita uza Bíblia atu buka-hatene ema seluk nia sala, neʼe sei la ajuda atu hadiʼa ita-nia an.

Iha hanoin neʼebé loos. Se ita haree espellu no haree deʼit ba saida mak ita la gosta, ita bele sai laran-kraik. Tan neʼe bainhira ita lee Bíblia, ita presiza iha hanoin neʼebé loos hodi haree ita-nia an tuir Jeová nia haree, laʼós ita-nian.—Tgo 3:17.