Estuda no fahe ba ema seluk

Bainhira ita estuda Bíblia, neʼe halo ita sente kmaan no kontente. Maibé, ita sei sente kontente liután se ita fahe ba ema seluk kona-ba pontu furak neʼebé ita hetan. Provérbios 11:25 hatete: “Ema neʼebé fó kmaan ba ema seluk, nia rasik mós sei simu kmaan.”

Bainhira ita fahe buat neʼebé ita aprende ba ema seluk, neʼe bele ajuda ita atu hanoin-hetan no komprende liután kona-ba pontu neʼe. No ita mós kontente atu fahe ba ema seluk tanba neʼe bele lori benefísiu ba sira.—Após 20:35.

Koko toʼok: Iha semana ida nia laran, buka oportunidade atu fahe pontu neʼebé Ita aprende ba ema seluk. Ita bele fahe ba Ita-nia família, ema ruma iha kongregasaun, kolega serbisu, kolega eskola, viziñu, ka ema neʼebé Ita hasoru durante haklaken. Koko atu fó sai pontu neʼe ho Ita-nia liafuan rasik iha dalan neʼebé simples no klaru.

Hanoin-hetan: Fahe buat neʼebé Ita aprende atu hametin ema seluk, laʼós atu simu gaba.—1 Kor 8:1.