Jesus “aprende atu halo tuir”

Jesus sempre halo tuir Jeová. (João 8:29) Maibé, tanbasá Bíblia hatete katak Jesus “aprende atu halo tuir liuhusi terus neʼebé nia hasoru”?—Ebr 5:8.

Kuandu iha rai, Jesus hasoru situasaun oioin neʼebé nia nunka hasoru iha lalehan. Jesus iha inan-aman neʼebé hadomi Jeová, maibé sira la perfeitu. (Lc 2:51) Jesus mós hasoru susar husi ulun-naʼin relijiaun no ukun-naʼin sira neʼebé laran-aat. (Mt 26:59; Mc 15:15) No ikusmai, nia mate iha dalan neʼebé aat tebes. Bíblia hatete: “Nia haraik an hodi halo tuir toʼo mate.”—Flp 2:8.

Esperiénsia sira-neʼe hanorin Jesus atu halo tuir iha dalan neʼebé foun. Neʼe ajuda nia atu sai Liurai no Amlulik Boot neʼebé perfeitu, neʼebé bele komprende ita-nia situasaun. (Ebr 4:15; 5:9) Tanba Jesus aprende atu halo tuir liuhusi terus neʼebé nia hasoru, nia sai folin-boot liután ba Jeová. Nuneʼe mós ho ita. Se ita kontinua halo tuir Jeová maski hasoru susar naran deʼit, ita mós bele sai folin-boot liután ba Jeová, no nia bele uza ita iha dalan neʼebé diʼak liután.—Tgo 1:4.