Hahalok aat aumenta ba beibeik iha mundu tomak—Saida mak Bíblia dehan?

Rai-Haití nakonu ho violénsia husi gang sira. Iha krime no violénsia barak akontese iha Áfrika Súl, Méxiku, no nasaun seluk tan iha Amérika Latina. Maski iha rai balu violénsia sai menus, maibé ema nafatin taʼuk tanba rona beibeik kona-ba violénsia no naʼok-teen.

Saida mak Bíblia dehan kona-ba hahalok aat oioin neʼebé akontese iha mundu tomak?

Saida mak Bíblia fó-hatene nanis kona-ba hahalok aat

Bíblia fó-hatene nanis katak hahalok aat sei akontese nuʼudar sinál ba “mundu neʼe nia rohan”. (Mateus 24:3) Bainhira Jesus koʼalia kona-ba akontesimentu oioin neʼebé sai nuʼudar sinál neʼe, nia hatete:

• “Ema barak nia domin sei sai malirin tanba hahalok aat neʼebé aumenta ba beibeik.”—Mateus 24:12.

Bíblia mós fó-hatene nanis katak “iha loron ikus sira”, ema sei ‘la kontrola an, siʼak, no la hadomi buat neʼebé diʼak’. (2 Timóteo 3:1-5) Tanba ema barak hanoin an deʼit hodi hatudu hahalok hanesan neʼe, rezultadu mak krime no violénsia barak akontese ohin loron.

Maibé ita bele hein ba futuru neʼebé diʼak. Bíblia promete katak lakleur tan hahalok aat sei la iha.

• “Hela tempu uitoan tan, ema aat sei la iha ona; ó sei hateke ba sira-nia fatin, maibé sira la iha neʼebá. Maibé ema laran-maus sei simu rai nuʼudar sira-nian, no sira sei hetan ksolok boot ho dame neʼebé barak.”—Salmo 37:10, 11.

Aprende liután kona-ba Bíblia nia promesa kona-ba futuru no evidénsia neʼebé hatudu katak situasaun ohin loron kumpre Bíblia nia profesia. Haree toʼok informasaun tuirmai.

“Esperansa kapás iha futuru”

“Saida mak sinál kona-ba ‘loron ikus sira’, ka ‘mundu neʼe nia rohan’?”

“Bíblia fó sai nanis kona-ba ema sira-nia hahalok ohin loron ka lae?”