Bíblia fó sai buat neʼebé loos kona-ba Jesus nia moris ka lae?

Bíblia nia resposta

Lucas neʼebé hakerek livru ida iha Bíblia dehan: “Haʼu mós buka didiʼak informasaun hotu husi nia hun hodi hakerek ho loloos.”—Lucas 1:3.

Ema balu dehan katak maizumenus tinan 300 toʼo 400 EC ema troka informasaun kona-ba Jesus nia moris neʼebé hakerek iha livru Evanjellu husi Mateus, Marcos, Lucas, no João neʼebé moris iha tempu hanesan ho Jesus.

Maibé maizumenus tinan 100 liubá, ema hetan surat-tahan rohan antigu neʼebé hakerek Evanjellu João iha Ejitu. Ema bolu ida-neʼe Papyrus Rylands 457 (P⁵²), no agora surat-tahan rohan neʼe rai iha Biblioteka John Rylands Library iha Manchester, Inglaterra. Informasaun iha surat-tahan rohan neʼe inklui liafuan iha João 18:31-33, 37, 38 iha Bíblia ohin loron nian.

Neʼe mak manuskritu tuan liu husi Eskritura Lian Gregu. Matenek-naʼin barak fiar katak ema hakerek ida-neʼe maizumenus tinan 125 EC, neʼe katak maizumenus tinan 25 depois apóstolu João hakerek Evanjellu João orijinál. Manuskritu antigu neʼe hatudu katak ema kopia tutan eskritura ho loloos iha tempu tuirmai.