Terus mai husi Maromak ka lae?

Bíblia nia resposta

Bíblia fó resposta ho klaru katak terus laʼós Maromak Jeová nia hakarak ba ema. Maibé, mane ho feto primeiru kontra hasoru Maromak nia Ukun, no hili atu halo desizaun rasik kona-ba buat neʼebé diʼak no buat neʼebé aat. Sira fila kotuk ba Maromak no hetan terus husi sira-nia hahalok neʼe.

Tanba sira-nia desizaun neʼebé la diʼak, ohin loron ita mós hasoru terus. Terus sira la mai husi Maromak.

Bíblia hatete: “Kuandu hasoru susar, ema ida labele dehan: ‘Maromak koko haʼu.’ Tanba ema labele koko Maromak no nia mós la koko ema ida ho buat neʼebé aat.” (Tiago 1:13) Terus bele kona ema naran deʼit, maski ema sira-neʼe halo Maromak kontente ka lae.