Tansá mak Testemuña ba Jeová la uza krús iha sira-nia adorasaun?

Ema barak fiar katak krús mak símbolu ba ema kristaun. Maibé, maski ami Testemuña ba Jeová mak ema kristaun, ami la uza krús iha ami-nia adorasaun. Tanbasá?

Razaun ida mak tanba Bíblia fó sai katak Jesus la mate iha krús, maibé iha ai-riin ida. Liután neʼe, Bíblia fó-hatene ho momoos ba ema kristaun atu “halai husi adora estátua”. Neʼe hatudu katak labele uza krús iha adorasaun.​—1 Korinto 10:14; 1 João 5:​21.

Jesus dehan ho klaru: “Ho ida-neʼe mak ema hotu sei hatene katak imi haʼu-nia dixípulu sira, se imi iha domin ba malu.” (João 13:34, 35) Ho liafuan sira-neʼe, Jesus hatudu katak ema sei hatene ninia dixípulu sira laʼós liuhusi uza krús ka estátua, maibé liuhusi domin no laran-luak neʼebé sira hatudu ba malu.