“Hadomi imi-nia maluk bá nuʼudar maun-alin”
Liafuan husi títulu neʼe hakerek besik tinan 2.000 liubá. (1 Ped 2:17) Maski nuneʼe, ohin loron ita presiza duni atu hadomi malu! Entaun, oinsá mak ita bele hadomi ita-nia maluk kristaun hotu iha mundu tomak? No iha mundu neʼebé la iha domin, saida mak ita bele halo hodi ita-nia domin la sai namlaek? (Mt 24:12) Koko toʼok atu hatán ba pergunta sira iha parágrafu tuirmai neʼe kuandu imi haree vídeo ho títulu Segenap Persekutuan Saudara-Saudara Kita.
(1) Bainhira mak Ita sai parte ba maluk kristaun hotu iha mundu tomak? (2) Saida mak atividade tolu neʼebé ita halo hamutuk ho maluk kristaun hotu iha mundu tomak? (3) Oinsá mak ita-nia maluk sira hakaʼas an atu haklaken iha (a) rai-fuik iha Alaska, (b) ponte kais boot balu iha Europa, no (c) iha ai-laran iha Peru? (4) Tanbasá mak ita la bele hanoin katak serbisu haklaken mak serbisu baibain deʼit? (5) Fó toʼok ezemplu sira kona-ba oinsá mak Testemuña ba Jeová fó kmaan no ajuda malu (a) depois rai-nakdoko ida akontese, (b) depois anin no udan boot akontese, (c) no durante tempu funu? (6) Iha dalan saida deʼit mak ita ida-idak bele hatudu katak ita iha domin neʼebé loos nuʼudar maluk kristaun iha mundu tomak? (Joao 13:35) (7) Ita hetan buat diʼak saida deʼit bainhira ita serbisu hamutuk hodi harii Reuniaun-Fatin sira? (8) Oinsá mak ita-nia maluk sira iha rai-Europa Leste no rai-Rúsia nafatin iha relasaun diʼak ho Jeová maski governu bandu sira-nia adorasaun? (9) Maluk barak halo saida hodi hatudu katak sira hakaʼas an hodi tuir reuniaun boot sira, no tanbasá? (10) Oinsá mak vídeo neʼe hametin liután ita-nia hakarak (a) hodi adora Jeová iha reuniaun kristaun sira hamutuk ho ita-nia maluk, (b) atu ajuda malu durante tempu susar, no (c) atu haklaken iha fatin naran deʼit no iha dalan oioin? (11) Oinsá mak ita bele uza vídeo neʼe kuandu halo serbisu haklaken?
Razaun importante kona-ba tansá ita parte ba maluk kristaun iha mundu tomak mak ita-nia domin ba Jeová. Tan neʼe ita hakarak duni atu aprende kona-ba nia no hanorin ema seluk kona-ba nia. No mós ita hadomi sira neʼebé Jeová hadomi. Bainhira ita ajuda sira durante tempu susar, ita la hein katak Maromak sei hatoʼo obrigadu mai ita. Maibé ita hatoʼo obrigadu ba Maromak tanba ita-nia maluk kristaun iha mundu tomak mak prezente furak husi nia. Nuʼudar mundu neʼe neʼebé la iha domin besik atu lakon, mai ita nafatin hatudu domin ba ita-nia maluk kristaun iha mundu tomak!