Ita-nia priviléjiu atu harii no tau matan ba fatin adorasaun

Atu harii Jeová nia templu, presiza duni serbisu no osan barak. Maibé ema Izraél sira fó laran tomak hodi apoia projetu neʼe. (1Cr 29:2-9; 2Cr 6:7, 8) Bainhira templu neʼe harii kompletu ona, presiza mós atu tau matan didiʼak ba templu neʼe. Ita bele hatene sira-nia relasaun ho Jeová metin ka la metin liu husi sira-nia apoiu atu tau matan ka lae ba templu neʼe. (2Rs 22:3-6; 2Cr 28:24; 29:3) Ohin loron, Ita mós uza tempu no forsa barak atu harii, hamoos, no tau matan ba Reuniaun-Fatin no fatin atu halaʼo reuniaun boot sira. Maibé dalan ita serbisu hamutuk ho Jeová hanesan neʼe mak priviléjiu boot ida ba ita no ida-neʼe mós parte ida husi ita-nia serbisu sagradu ba Jeová.—Sal 127:1; Apk 7:15.

ITA BELE APOIA LIUHUSI . . .

• 

  Hamoos didiʼak bainhira reuniaun remata ona. Se ita-nia situasaun la permite ita halo nuneʼe, hili deʼit foʼer sira husi ita-nia fatin.

• 

  Ajuda hamoos beibeik no tau matan didiʼak ba Reuniaun-Fatin. Se ema barak ajuda, serbisu mós sei sai kmaan no solok.—lv p. 92-93 par. 18.

• 

  Fó kontribuisaun. Maski kontribuisaun neʼebé ita fó ho laran mak “osan kiʼik rua ho folin neʼebé kiʼik tebes”, Jeová kontente tebes ho kontribuisaun neʼe.—Mc 12:41-44.

• 

  Fó ita-nia tempu no forsa atu ajuda harii no hadiʼa fatin adorasaun sira se situasaun permite. Halo buat sira-neʼe la presiza katak ita tenke iha matenek kona-ba konstrusaun nian.