LISAUN 7

Informasaun neʼebé loos no halo ema fiar

Lucas 1:3

SAIDA MAK ITA PRESIZA HALO: Uza informasaun ka referénsia neʼebé loos atu ajuda rona-naʼin fiar informasaun neʼebé loos.

Buka no uza informasaun neʼebé loos. Uza Bíblia nuʼudar hun ba Ita-nia esplikasaun hotu, se bele lee kedas husi Bíblia. Se Ita atu temi kona-ba siénsia, notísias, ka esperiénsia ruma, diʼak atu buka-hatene uluk se informasaun sira-neʼe mak loos ka lae.
Uza informasaun ho matenek. Esplika eskritura tuir ninia situasaun ka kontestu, tuir Bíblia nia mensajen no livru sira neʼebé “atan laran-metin no matenek” prepara ona. (Mateus 24:45) Se Ita uza referénsia seluk husi rádiu ka jornál, kuidadu atu la troka ninia signifikadu tuir Ita-nia hakarak.

Labele aumenta informasaun kuandu temi relatóriu ruma. Kuidadu atu la troka liafuan hanesan “ema balu” sai fali “ema barak”, ka “ema barak” sai fali “ema hotu”, ka troka liafuan “iha situasaun balu” sai fali “iha situasaun hotu”.
Esplika evidénsia. Depois lee tiha eskritura ida ka temi referénsia ida, husu pergunta sira ka uza ai-knanoik atu ajuda rona-naʼin atu hanoin hodi komprende no fiar.