LISAUN 1

Uza liafuan neʼebé diʼak atu loke

Apóstolu 17:22

SAIDA MAK ITA PRESIZA HALO: Ita-nia liafuan atu loke tenke dada rona-naʼin nia atensaun, fó sai ho klaru tópiku no hatudu tansá informasaun neʼe diʼak ba rona-naʼin.

OINSÁ ATU HALO IDA-NEʼE:

Dada rona-naʼin nia atensaun. Hili pergunta ida, fraze, esperiénsia ka notísias neʼebé bele dada rona-naʼin nia atensaun.

Antes neʼe, tetu didiʼak rona-naʼin nia hanoin no situasaun moris nian, tuirmai adapta Ita-nia liafuan tuir sira-nia presiza.
Fó sai Ita-nia tópiku. Ita-nia liafuan atu loke tenke fó sai ho klaru Ita-nia tópiku no objetivu ba rona-naʼin.
Hatudu tanbasá tópiku neʼe importante. Adapta Ita-nia liafuan tuir rona-naʼin nia presiza, atu sira bele komprende ho didiʼak oinsá tópiku neʼe bele ajuda sira.

Bainhira prepara diskursu, husu ba Ita-nia an: ‘Situasaun saida mak irmaun-irmán sira iha kongregasaun hasoru?’ Tuirmai prepara liafuan atu loke tuir sira-nia situasaun.