Programa ba semana komesa 17 Maiu

SEMANA KOMESA 17 MAIU

Knananuk 49

❑ Estudu Bíblia iha Kongregasaun:

fy-TTP kap. 4 par. 7-11

❑ Eskola Serbisu Teokrátiku:

Programa atu lee Bíblia: Efeso 4-6

No. 1: Efeso 6:1-13

No. 2: Tansá mak Jesus hanorin tuir eskritura? (Joao 7:16-18)

No. 3: Moris iha Rai mak promete ona ba ema barak, ‘bibi seluk’ (td-TTP 31C)

❑ Reuniaun Serbisu:

Knananuk 12

Min 5: Avizu.

Min 10: Ita bele serbí nuʼudar pioneiru ausiliár ka lae? Halaʼo parte neʼe hodi husu rona-naʼin atu fó komentáriu. Uza tempu badak atu esplika sé mak bele sai pioneiru ausiliár hodi uza livru Diorganisasi, pájina 112-113. Husu ba irmaun-irmán sira neʼebé uza tempu feriadu atu foti pioneiru ausiliár atu konta kona-ba bensaun neʼebé sira hetan.

Min 10: Haklaken lia-foun diʼak iha dalan oioin—Haklaken la formál. Husu rona-naʼin atu fó komentáriu hodi uza informasaun husi livru Diorganisasi, pájina 101, parágrafu 2 toʼo pájina 102, parágrafu 2. Husu irmaun ka irmán atu konta ka halo drama kiʼik ida ka rua, kona-ba esperiénsia kapás neʼebé sira hetan kuandu haklaken iha situasaun naran deʼit.

Min 10: “Ema kristaun presiza halo orasaun.” Halaʼo parte neʼe hodi husu pergunta.

Knananuk 67

Ema kristaun presiza halo orasaun

1. Atu halaʼo serbisu haklaken, ita presiza halo saida?

¹ Ita la bele halaʼo serbisu haklaken ho ita rasik nia forsa. Maromak Jeová mak fó kbiit mai ita atu halaʼo serbisu neʼe. (Flp 4:13) Nia mós uza ninia anju sira ajuda ita atu hetan ema neʼebé iha hahalok hanesan bibi-malae. (Apok 14:6, 7) Maromak Jeová mak halo moris fini lia-loos nian neʼebé ita kuda no rega. (1 Kor 3:6, 9) Tan neʼe importante tebes ba ita ema kristaun atu sadere ba ita-nia Aman iha lalehan liuhusi orasaun!

2. Ita bele halo orasaun kona-ba saida deʼit?

² Orasaun kona-ba ita rasik: Ita tenke halo orasaun bainhira ita bá haklaken. (Ef 6:18) Ita sei halo orasaun kona-ba saida deʼit? Ita bele husu ajuda atu haklaken ho haksolok no aten-brani. (Apos 4:29) Ita bele husu Maromak Jeová nia ajuda atu bele hasoru ema neʼebé buka lia-loos no hakarak estuda Bíblia. Se ema ruma husu pergunta ba ita, ita bele halo orasaun badak hodi husu ajuda atu fó resposta neʼebé diʼak. (Neem 2:4) Diʼak mós atu husu matenek atu bele kontinua haklaken nuʼudar serbisu neʼebé importante liu iha ita-nia moris. (Tgo 1:5) Liután neʼe, Maromak Jeová sei sente kontente kuandu ita fó-agradese ba knaar espesiál neʼebé ita simu nuʼudar ninia atan.—Kol 3:15.

3. Oinsá mak orasaun kona-ba ema seluk bele ajuda atu halaʼo serbisu haklaken?

³ Orasaun kona-ba ema seluk: Ita mós presiza “reza ba malu”, dala ruma diʼak mós atu temi ita-nia maluk kristaun nia naran. (Tgo 5:16; Apos 12:5) Problema kona-ba saúde halo Ita la bele haklaken barak ka lae? Se nuneʼe, karik diʼak atu halo orasaun ba sira neʼebé isin-diʼak, neʼebé halaʼo serbisu haklaken. Keta haluha katak orasaun neʼebé ita halo ba ita-nia maluk kristaun iha forsa boot! Diʼak mós atu halo orasaun ba ukun-naʼin sira atu sira husik ita halaʼo ita-nia serbisu haklaken, hodi nuneʼe ita-nia irmaun sira “bele moris hakmatek no iha dame”.—1 Tim 2:1, 2.

4. Tansá mak ita labele kole atu harohan?

⁴ Hatoʼo lia-foun diʼak iha mundu tomak mak serbisu neʼebé todan tebes. Se ita “la kole atu harohan”, ita bele halaʼo serbisu neʼe ho Maromak Jeová nia ajuda.—Rom 12:12.