Pergunta no resposta kona-ba informasaun husi Eskola Serbisu Teokrátiku
Pergunta tuirmai neʼe sei uza iha Eskola Serbisu Teokrátiku iha semana komesa 28 Juñu 2010. Katuas eskola nian sei uza minutu 20 hodi husu pergunta kona-ba informasaun husi eskola neʼebé halaʼo husi semana komesa 3 Maiu toʼo 28 Juñu 2010.
1. Saida mak “Kristu nia ukun-fuan”? (Gal 6:2) [w08-IN 15/8 p. 26]
2. Oinsá mak Galasia 6:5 ajuda ita ida-idak kuandu hili atividade halimar nian? No iha neʼebé mak ita bele hetan matadalan atu hili ho matenek? [lv p. 66 par. 12]
3. Tanbasá mak espíritu mundu nian hanesan ho anin? Oinsá mak espíritu neʼe iha kbiit atu kontrola ema? (Ef 2:2) [w08-IN 15/8 p. 27]
4. Tuir Efeso 6:10-13, saida mak ita presiza atu kontra hasoru forsa husi anju aat sira? [w08-IN 15/8 p. 27]
5. Saida mak “buat neʼebé liu tiha ona” neʼebé temi iha Filipe 3:13? [w08-IN 15/8 p. 28]
6. Kuandu Bíblia hatete katak Oan mak “ilas Maromak nian neʼebé matan la haree”, ida-neʼe katak sá? (Kol 1:15) [bh p. 46 par. 13]
7. Sé mak “sira iha kalohan” neʼebé “bá hasoru Naʼi iha leten”, no oinsá mak ida-neʼe akontese? (1 Tes 4:15-17) [w08-IN 15/9 p. 29]
8. Saida mak ita aprende kona-ba dalan neʼebé Maromak tesi lia iha 2 Tesalonika 1:6-9? [w08-IN 15/9 p. 30]
9. Saida mak “ita-nia relijiaun nia mistériu” ka “segredu santu kona-ba adora ba Maromak ho laran-metin”? (1 Tim 3:16, MF) [w08-IN 15/9 p. 31]
10. Sé deʼit mak tenke hakaʼas an atu hametin sira-nia relasaun ho Maromak? (1 Tim 4:15) [w08-IN 15/9 p. 31]