Programa ba semana komesa 28 Juñu

SEMANA KOMESA 28 JUÑU

Knananuk 62

❑ Estudu Bíblia iha Kongregasaun:

fy kap. 5 par. 27-28, kaixa iha p. 61

❑ Eskola Serbisu Teokrátiku:

Programa atu lee Bíblia: 1 Timoteo 4-6

Pergunta no resposta kona-ba informasaun husi Eskola Serbisu Teokrátiku

❑ Reuniaun Serbisu:

Knananuk 90

Min 5: Avizu.

Min 15: Prepara atu fahe Livru Haklaken no Sedarlah! iha fulan-Jullu. Halaʼo parte neʼe hodi husu rona-naʼin atu fó komentáriu. Uza minutu ida ka rua atu koʼalia kona-ba livru sira-neʼe. Depois neʼe, hili informasaun rua ka tolu no husu rona-naʼin kona-ba pergunta no eskritura saida mak sira bele uza hodi komesa koʼalia ho ema. Halo drama kiʼik hodi hatudu oinsá ita bele fahe livru ida-idak. Ramata ho drama kiʼik ida tan neʼebé hatudu oinsá atu komesa estudu Bíblia kuandu halo vizita fali.—Haree km-IN 8/07 p. 3.

Min 15: Hori kiʼik kedas, nia hetan treinu. Halaʼo parte neʼe hodi husu rona-naʼin atu fó komentáriu. Ema haree Timóteo nuʼudar haklaken-naʼin neʼebé hatudu laran-manas no matenek. (Flp 2:20-22) Razaun ida nia sai haklaken-naʼin neʼebé badinas mak tanba treinu neʼebé nia simu husi nia inan no avó-feto kuandu nia kiʼik kedas. Treinu neʼe sai hanesan hun ba nia relasaun ho Maromak. (2 Tim 1:5; 3:15) Matadalan husi Bíblia tuirmai neʼe bele ajuda inan-aman atu treinu sira-nia oan sira atu sai haklaken-naʼin neʼebé diʼak. (1) Kuandu bá haklaken, se bele lori ita-nia oan sira husi kiʼik kedas. Hanorin sira atu halo parte tuir sira-nia kapasidade. (Prov 22:6) (2) Liuhusi ita-nia ezemplu hatudu katak haklaken mak buat ida neʼebé importante liu. (Flp 1:9, 10) (3) Kuandu halaʼo Adorasaun Família nian no iha tempu seluk tan, hakaʼas an atu ajuda ita-nia oan hafolin no haburas laran-manas ba serbisu haklaken. (Deut 6:6, 7) (4) Hatudu katak ita gosta serbisu haklaken liuhusi ita-nia hahalok no liafuan. (Flp 3:8; 4:8; 1 Tim 1:12) (5) Haburas toman atu bá haklaken beibeik nuʼudar família. (Apos 5:41, 42) (6) Uza tempu hamutuk ho haklaken-naʼin sira seluk neʼebé hatudu laran-manas ba serbisu haklaken. (Prov 13:20) Husu rona-naʼin atu fó komentáriu kona-ba oinsá sira-nia inan-aman ajuda sira atu sai haklaken-naʼin neʼebé kontente no badinas.

Knananuk 88