Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Outubru

“Ami vizita ema iha fatin neʼe atu koʼalia kona-ba governu ida neʼebé diʼak. Tuir Ita-Boot nia hanoin, iha ka lae governu ida neʼebé bele hadiʼa ita ema nia problema oioin, hanesan violénsia ka situasaun neʼebé laiha justisa?” Hein ba resposta. Tuirmai, esplika katak iha orasaun Ami Aman, Jesus hanorin ita hodi husu Maromak nia Reinu atu mai. Hatudu pájina ikus husi Livru Haklaken Outubru–Dezembru. Koʼalia hamutuk kona-ba pergunta primeiru no lee eskritura ida ka balu. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta tuirmai.

Livru Haklaken Outubru–Dezembru

“Ami mai vizita atu koʼalia kona-ba Jesus nia liafuan sira neʼebé temi iha orasaun Ami Aman. [Lee Mateus 6:9, 10.] Karik ita mós toman temi liafuan: ‘Halo Ita-nia Reinu toʼo mai ami.’ Dala barak ema hanoin: Maromak nia Reinu mak saida? Tansá Jesus temi beibeik Maromak nia Reinu? Ita mós hanoin hanesan neʼe ka lae? [Hein ba resposta.] Revista neʼe esplika Bíblia nia hanorin kona-ba Maromak nia Reinu no bensaun sira neʼebé Maromak sei haraik mai ita iha mundu neʼe.”

Matan-moris bá! Outubru–Dezembru

“Tuir Ita-Boot nia hanoin, se ema hotu halo tuir Bíblia nia liafuan neʼe, situasaun iha mundu neʼe sei sai oinsá? [Lee Roma 12:17, 18. Hein ba resposta.] Buat neʼebé halo susar ba ita mak dala ruma ema ida-idak nia hanoin la hanesan. Livru neʼe esplika oinsá mak Bíblia nia konsellu bele ajuda ita atu rezolve problema no haburas dame.”