Faminaniagne 1. Horohoron-tane — FAGNAJARIAM-BOKE TY Vavolombelo i Jehovah

Faminaniagne 1. Horohoron-tane

“Hisy horohoron-tane mafe.”—LIOKA 21:11.

● Boake amy ty vato mitoborogne, ta Haïti agne, ty nisarihegne i Winnie, tao’e raike naho efa-bolagne tafara i horohoron-taney. I mpanao gazete nirehake i lozaỳ ty naharey ty fitoreotoreo’e. Avotse soa reke faie nimate ty baba’e naho i rene’e.

MAMPISEHO INO ZE RAHA MISY? Misy horohoron-tane mirefe 7,0 amy ty refe i Richter ta Haïti agne, tamy Janvie 2010. Eo amy ty 300 000 ty ndaty nimate, sady 1,3 tapetrisa ty tsy misy tane hitobohagne. Faie tsy indraike avao ty nisehoa o horohoron-tane iohoe ndra tie fara’e mahery aza. Horohoron-tane mafe 18, fara fahatsiampe’e ty niseho magneran-tane tagnelagnela ty Avrily 2009 naho Avrily 2010.

INO TY HEVE O NDATIO? Tsy manahake ty hamaro ty horohoron-tane taloha ty amy izao. Fantantikagne soa ka ty fisia irey naho oharegne amy ty taloha satria fa mandroso o teknolojiao.

MAREGNE VAO ZAY? Tsy rehafe ty Baiboly tie fire ty isa ty horohoron-tane hiseho amy ty andro fara’e. Faie rehafe’e fa “amy ty toeragne sambe hafa” ro hisy “horohoron-tane mafe”, le izay ty mahavy aze ho agnisa ty mampiambake o androntikagne zao.—Marka 13:8; Lioka 21:11.

AKORE TY HEVE’O? Misy horohoron-tane mafe, arake i rehafe i Baibolỳ vao ty amy izao?

Va’e tsy hampieke naho horohoron-tane avao ty agnaporofoagne fa andro fara’e zao. Faie vaho raike amy i faminaniagney ty tanterake amy io. Dineho ka ty faharoe.

[Hevetse Lahibey]

“Horohoron-tane mafe ty irehafa’ay [manam-pahaiagne miomba ty tane] i raha rey. Raha fara’e raty ty anoa ty ndaty maro aze.”—KEN HUDNUTF FIKAMBANAGNE AMERIKANA MAGNADIHADY MIOMBA TY TANE.

[Soratse Magnazava i Sarey]