Olagne Minday Fanantenagne
“Amy ty andro fara’e, le hisy fotoan-tsarotse mahaore.”—2 TIMOTY 3:1.
FA naharey ndra nahatrea ty raike amy ty raha mampanahelo toagne vao rehe?
● Aretegne namono ndaty maro.
● Hakeregne namono ndaty an-jato’e.
● Horohoron-tane namono ndaty agn’arivo’e sady nahavy ndaty maro tsy hanagne tragno hipetrahagne.
Hirehake raha miseho mampisaintsaigne hoe izay ty peje magnarake. Ho trea’o ao ka fa naminany ty Baiboly fa hiseho zay amy ty fotoagne atao tihoe “andro fara’e.”a
Faie tsy natao hampieke azo ty andian-dahatsoratse toy tie miaigne amy ty tontolo raike feno olagne tikagne. Irehe avao varagne, le fa mahatrea izay. Natao toy mba hahavy azo hanagne fanantenagne. Faminaniagne enegne ty ho rehafegne ato, le hohazavaegne ato ka fa kede sisa, le hifaragne ty “andro fara’e” kanao tanterake o faminaniagne rehoe. Ho trea’o ato ty heve ty ndaty tsy mino izay, naho ty porofo marem-pototse fa ho soa ty fiaignagne amy ty hoavy.
[Fagnamarehagne ambane peje]
a Magnazava ty anto’e agnengan’Andrianagnahare o raha ratio hiseho ty lahatsoratse tihoe “Nagnino ty Andrianagnahare ro Mienga o Haratiagneo Naho o Fijaleagneo Hisy?”, amy ty gazete toy.