Hasoao ty Fanompoa’o: Ampianaro Magnomagne i Mpianatsey

NAGNINO ZAY RO PALIAEGNE? Ho mora amy i mpianatsey ty hahatakatse ty raha ampianare ty Baiboly sady ho tsiaro’e ty raha ampianaregne aze naho magnomagne reke. Miankigne amy ty fahatakara’e naho ty raha tsiaro’e ty hampandroso aze tsy ela. Ndra tie fa vita badisa aza iareo, le mila magnomagne fivoriagne naho ty raha ho rehafe’e amy i fanompoagney ey mba hahavy aze “hiambegne lognandro.” (Mt 25:13) Hahasoa iareo amy ty fiaigna’e ka ty fahatakara’e naho ty fahazoa’e ty raha ianara’e. Toko’e hampeantika ho zatse magnomagne reke naho vaho manomboke mianatse.

AKORE TY FANOAGNE IZAY?

• 

  Meo modely reke. (Ro 2:21) Magnomana isake tie hampianatse sady eretsereto i mpianatsey. (km 11/15 3) Anò trea’e fa mitsipike i boke’oy.

• 

  Risiho hagnomagne reke. Naho vaho magneke hianatse i ndatỳ, le rehafo ama’e fa mila magnomagne reke satria agnisa ty fandaharagne amy ty fampianaragne Baiboly ty fanoa’e izay. Meo soso-kevetse reke mba hahaia’e mandamigne fotoagne hagnomanagne. Ampindrame ty mpitory ila’e i mpianatsey i boke’e fa vita tsipikey naho fa mianatse iareo. Amy izay ho trea i mpianatsey fa tena soa ty magnomagne. Derao reke naho fa magnomagne

• Atorò aze ty fomba fagnomanagne. Izao ty atao ty mpitory ila’e naho vaho hanomboke hianatse i mpianatsey. Atoro’e i mpianatsey hey ty fomba fagnomanagne i lesogne raikey, le amy ty magnarake iareo vaho izay mianatse