Ry Tanora, Rehafo amy ty Rae Aman-drene’areo ze Raha Am-po’areo Ao

Nagnino ro tena mila rehafe’o amy ty rae aman-drene’o ty raha an-tsai’o ao? (Oh 23:26) Ty anto’e, iareo ty ampiasae i Jehovah mba hagnampe naho hitari-dalagne azo. (Sl 127:3, 4) Ho sarotse amy iareo ty hagnampe azo naho ihe ro magnetaketake ze raha tsapa’o naho ty olagne atrehe’o. Hanjare tsy ho hai’o ka ty raha niaigna iareo naho ty lesogne nirambese’e tamy ty fiaigna’e. Tsy soa areke naho tana’o ho azo raike avao ty raha toko’e ho fanta iareo. Rehafo amy iareo ty maregne.​—Oh 3:32.

Akore ty fomba hirehafa’o amy ty rae aman-drene’o? Mijobogna fotoagne mete soa mba hirehafagne amy iareo. Naho sarotse ama’o ty manao izay, le sorato amy ty taratasy ty raha tsapa’o sady omeo iareo. Ino ty toko’e hatao’o naho ohatse misy raha tsy tea’o horehafegne amy ty rae aman-drene’o? Tsiarovo fa tena te hagnampe azo iareo. Rambeso ho namagne iareo fa tsy fahavalo. Naho mikezake hifandrambe soa amy ty rae aman-drene’o rehe le hihasoa ty fiaigna’o sady hahazo i havelogne nainai’ey.​—Oh 4:10-12.

ALEFASO TY VIDEO TIHOE TY FIAIGNA TY TANORA: AKORE TY HIREHAFAKO AMY I BABA NAHO I NENE?, LE VALEO RETOA:

• 

  Ino ty nagnampe i Esther naho i Partik hahafantatse soa ty toetse’e?

• 

  Ino ty azo’o ianaragne boake amy ty ohatse nimey i Jesosy?

• 

  Akore ty nampisehoa ty rae aman-drene’o fa tena nikarakara azo iareo?

• 

  Ino ty toro lala ty Baiboly mandrisike azo hirehake amy ty rae aman-drene’o?