Anò ze Hahafale ty Keleia’o

Tea i Jehovah ho sambatse o keleiagneo. (Sl 127:3-5; Mpto 9:9; 11:9) Faie va’e hahavy antika tsy ho fale ty raha mahakivy amy ty tontolo toy naho ty hadisoagne va’e hatao ty raike amy ty keleiantikagne. Ino ty azo ty tsikiraidraike amo o keleiagneo atao mba hahavy iareo ho fale avao?

Toko’e hagnomey voninahitse ty vali’e ty lahilahy. (1Pe 3:7) Toko’e hanokagne fotoagne hiarahagne ama’e reke. Tsy toko’e hitake bey loatse ama’e ka reke fa maneho fankasitrahagne ze raha natao i vali’e ho aze naho ty keleia’e. (Kl 3:15) Toko’e hoderae’e reke sady rehafe’e ama’e ty hatea’e aze.​—Oh 31:28, 31.

Toko’e hipay fomba hanohagna’e i vali’e ty ampela manambaly. (Oh 31:12) Magneke i vali’e reke sady miara-miasa ama’e. (Kl 3:18) Mirehake amy i vali’e aman-kasoa fagnahy reke sady manao izay ka naho fa mirehake amy ty ndaty hafa ty miomba i vali’e.​—Oh 31:26.

Toko’e hanokagne fotoagne hoahy ty ana’e ty rae aman-drene. (De 6:6, 7) Rehafe iareo amy ty ana iareo tie tea’e iareo. (Mt 3:17) Toko’e ho bey hatea naho hahay hagnambake iareo naho fa magnomey fitsipike.​—Ef 6:4.

Toko’e hagnaja naho hankatò ty rae aman-drene’e ty ajaja. (Oh 23:22) Rehafe iareo amy ty rae aman-drene’e ty raha eretserete’e naho ty raha tsapa’e. Toko’e hagneke sady hagnaja ty fitsipike apetra ty rae aman-drene’e ka iareo.​—Oh 19:20.

ALEFASO TY VIDEO TIHOE ANÒ ZE HAHAFALE TY KELEIA’O, LE VALEO TOY:

Ino ty natao iareo tsikiraidraike mba hahavy ty keleia iareo ho fale?