Ty Fiaignagne Tamy i Tonda i Edenay Ao

Nimea i Jehovah raha fanjaka maro ty Adama naho i Eva. Genesisy 1:28

I Eva ty ampela namboare i Jehovah voaloha e. Ty vali e i Adama.—Genesisy 2:21, 22.

Tsy misy tsiko e naho mahilala ty namboara i Jehovah iareo.

Tonda i Edena ty nitoboha i Adama naho i Eva. Tane Paradisa ty nisy iareo. Ranomandeha, biby naho hatae misy voa e ty tao.

Nisaontsia i Jehovah naho nampianare e iareo mirovaly. Naho nitsanogne aze iareo le honiaigne tsy misy fara e amy Paradisay ao.

Nisy hatae raike nihejen’Andrianagnahare ho nihane iareo ty voa e. Genesisy 2:16, 17

Natoro i Jehovah i Adama naho i Eva ty hatae raike. Nisaontsia i Jehovah iareo fa ho mate naho homagne aze.

Nisy anjely raike nivalike taman’Andrianagnahare. Ty agnara e i Satana Devoly.

Heje i Satana hagnorike i Jehovah ty Adama naho i Eva. Nisy meregne nampirehafe i Satana tamy i Eva fa tsy homate reke naho homagne ty voa i hataey fa hanahake an’Andrianagnahare. Vande i Satana zay.—Genesisy 3:1-5.