Namboatse Lahilahy Naho Ampela ty Jehovah

Namboatse teteke atao tihoe Edena ty Jehovah. Feno folera naho biby isan-karaza’e ty tao sady nisy hatae maro. Namboare’e ty Adama naho fa niavy eo. Ie ty lahilahy voaloha’e tan-tane etoy. Lemboke ty namboara’e aze. Nanjiliha’e tioke ty agnoro’eo, le nivelogne reke. Nampikarakarae i Jehovah i tetekey naho nampagnomea’e agnaragne o bibio reke.

Nagnomey lily lahibey i Adama ty Jehovah. Hoe reke: ‘Azo’o hanegne iaby ze voan-katae ato faie ty raike roy avao ro tsy azo’o hanegne. Fa naho hane’oy, le ho mate rehe.’

Hoe ty Jehovah tafara izay: ‘Hamboarako mpagnampe ty Adama.’ Nampiroroe’e ty Adama, le nangala’e raike ty taolam-pa i Adama hanoa’e valy ho aze. I Eva ty agnara’e. I Adama naho i Eva ty keleiagne voaloha’e. Ino ty nitsapa i Adama naho fa nahatrea i vali’e? Nifale reke sady nirehake tie: ‘I taolam-pakoy le nahavitagne ampela soa hoe toy! Managne namagne amy izay raho hinane zao!’

Nitsipe rano i Adama naho i Eva mba hanagn’anake sady hameno ty tane toy ty Jehovah. Teà’e hiharo asa sady hamboatse ty tane toy ho paradisa manahake i tete i Edenay iareo. Faie tsy izay ty raha niseho. Nagnino? Izay ty hianarantikagne magnarake.