Hanao Akore ty Fiaignantikagne amy ty Hoavy?

INOGNE TY RAHA REHAFE TY BAIBOLY?

“Hofafa’e [Andrianagnahare] ze ranomaso amy ty maso iareo, fa tsy hisy sasa ty fate, ty fahaferenaigne ndra ty toreo ndra ty fangirifiriagne, fa tsy ho eo iaby ty raha taloha.”—Apokalypsy 21:3, 4, Fandikan-tenin’ny Tontolo Vaovao.

HANAO AKORE TY FIAIGNAGNE?

Hahavelogne ze asa anoegne.—Isaia 65:21-23.

Tsy hisy ty aretegne naho ty fijaleagne.—Isaia 25:8; 33:24.

Ho sambatse naho hiaigne nainai’e nareo mirofoko.—Salamo 37:11, 29.

MAREGNE VAO ZE RAHA REHAFE O BAIBOLIO?

Eka, intoagne misy anto’e roe:

• Vitan’Andrianagnahare ty magnatanterake ty fampitama’e. Mirehake ty Baiboly fa ‘tsy misy Mahery mandikoatse’ i Jehovah, ty anto’e tsy misy fetra’e ty heri’e. (Apokalypsy 15:3) Vita’e vata’e ty magnatanterake i fampitama’e manao tihoekey tie: hagnova ty fiaignantikagne ho soa reke. Mirehake ty Baiboly tie: ‘Hain’Andrianagnahare ze kila raha.’—Matio 19:26.

• Irien’Andrianagnahare ty magnatanterake ze raha nampitamae’e. Ohatse zao ty Jehovah “magniry” hamelogne indraike o ndaty nimateo.—Joba 14:14, 15.

  Rehafe ty Baiboly ka fa nampijangagne ty marare ty Jesosy anak’Andrianagnahare. Inogne ty anto’e nanoa’e izay? Izay ty vinetsevetse’e. (Marka 1:40, 41) Ty fanahafa i Jesosy an-dRae’e ro nahavy aze hagnampe ze sahiragne.—Jaona 14:9.

  Ko matahotse fa hagnampe antikagne ho sambatse ty Jehovah naho i Jesosy.—Salamo 72:12-14; 145:16; 2 Petera 3:9.