Inogne o Fanjakan’Andrianagnahare Zao?

INOGNE TY RAHA REHAFE TY BAIBOLY?

“Hagnoregne fanjakagne tsy ho rava sasa i Andrianagnahare i lagnitseiy.”—Daniela 2:44, Fandikan-tenin’ny Tontolo Vaovao.

‘Anak’ajaja lahilahy ro homeigne antikagne. Tsy ho tapetse ty fahefà’e.’—Isaia 9:6.

HANAO AKORE TY FIAIGNAGNE?

• Hanao raha vantagne o fitondragne iohoeke, le hipay ze hahasoa azo.—Isaia 48:17, 18.

• Hiova ty fiaignagne, le tsy hararerare naho hieragneragne rehe.—Apokalypsy 21:3, 4.

MAREGNE VAO ZE RAHA REHAFE O BAIBOLIO?

Eka! Intoagne misy anto’e roe:

• Ty vatan-tegna i Jesosy ro nirehake naho nanoro ty raha hanoe o Fanjakagne iohoeke tamy tie tan-tane etoy. Nampianare’e i mpiana’e rey tie: “Ho avy abey i fanjaka’oy! Hanoegne an-tane etoy abey ze zoton’arofo’o.” (Matio 6:9, 10) Natoro’e ka ty raha hiseho naho fa avy eo iaby zay.

  Nagnomey hanegne ze nikeré reke, nampijangagne ty marare naho namelogne ty ndaty fa nimate. (Matio 15:29-38; Jaona 11:38-44) Natoro’e tamy izay fa hanao raha fanjaka hoahy ze borizà’e reke. Ie ty ho Mpanjaka i Fanjakan’Andrianagnaharey.—Apokalypsy 11:15.

• Ty hamaroa ty raha raty miseho amy hinane zao ty magnamaregne fa marine ty Fanjakàn’Andrianagnahare. Nirehake ty Jesosy fa mbe hisy aly naho keré vaho ezegnezen-tane heike, vaho izay hitondra an-tane etoy o Fanjakagne iohoeke.—Matio 24:3, 7.

  Fa treantikagne eo iaby o raha iohoeke. Fa kidikidike avao ty sisa’e, le hitondra ty Fanjakan’Andrianagnahare sady hagnafake ze raha manahiragne antikagne.