LESOGNE 15

Atokiso ty Raha Rehafe’o

1 Tesalonianina 1:5

TY DIKA IZAY: Atorò fa tena inoa’o tihoe maregne ty raha rehafe’o sady tena mila mitsanogne izay i ndatỳ.

Omano soa ty raha horehafe’o. Ianaro soa hey i fagnazavagney. Le henteo ty andinin-teny magnaporofo aze amy Baiboly ao. Oharo hazavaegne amy ty fomba tsotra ty hevetse lahibey. Eretsereto tie nagnino i fagnazava’oy ro mahasoa i ndatỳ. Mivavaha mba hahazoa’o fagnahy masigne.

Aherenkeregno amy ty feo mafe i anjara’oy, amy izay ho masake an-tsai’o ao ty raha hohazavae’o sady ho hai’o ty magnazava aze.
Filio soa ty rehake hampiasae’o. Ko vakiegne avao amy izao ze agnate boke ao ndra ze agnate gazete ao, fa hazavao arake ty fahazoa’o aze. Filio soa ty rehake horehafe’o mba ho hita fa inoa’o ty raha rehafe’o.
Atorò fa rese lahatse amy i fagnazavagney rehe. Anò antognontogno’e soa ty hamafe ty feo’o. Naho tsy manafintohigne amy ty tanàgne misy azo, le henteo am-pagnajagne amy ty maso’e i ndaty irehafa’oy.

Ndra tie rese lahatse amy ty raha rehafe’o aza rehe, le ko mivantambantagne naho fa mirehake, ndra mizizo amy ty heve’o, ndra manere i ndatỳ hino ty raha rehafe’o. Mikezaha avao ho soa fagnahy.