LESOGNE 19

Mikezaha Hanohigne Fo

Ohabolana 3:1

TY DIKA IZAY: Ampeo i ndatỳ ho tea ty raha ianara’e sady ampeo ka reke hampihatse aze.

Ampeo handineke ty tegna’e reke. Mametraha fagnonteneagne hahavy i ndatỳ hahatrea ty anto’e anompoa’e i Jehovah ndra ty anto’e ianara’e Baiboly.
Ampisaintsaigno reke mba ho vokatse ty fo’e ty raha atao’e. Ampeo reke handineke ty anto’e ankatoava’e i Jehovah. Ty hatea’e i Jehovah naho o ndatio vao ty mahavy aze hanao izay? Trea’e vao fa tena soa ty raha nianara’e amy Baiboly ao? Faie ko atao ty hahamegnatse aze. Ko endahegne ndra meagne tsiny reke fa ampaherezo, amy izay hitombo ty fagniria’e hankatò i Jehovah sady ho vokatse ty fo’e ty anoa’e izay.
Rehafo mateteke ty miomba i Jehovah. Naho fa magnazava fampianaragne ndra toro lalagne ndra lalàna amy Baiboly ao rehe, le hazavao fa tea antikagne ty Jehovah kanao magnomey ireo. Ampeo i ndatỳ hitadidy fa misy voka’e amy i Jehovah ty raha atao’e, amy izay reke hanao ze hampifaleagne aze.

Tadidio fa i Jehovah ty mitaogne o ndatio hanompo aze. Naho izay areke, le ampiasao ty Saontsi’e mba handrisihagne o ndatio hifandrambe marine ama’e.