LESOGNE 12

Mikezaha ho Soa Fagnahy Naho Hiferenaigne ty Hafa

1 Tesalonianina 2:7, 8

TY DIKA IZAY: Ze tena agnate fo’o ao ro rehafo, sady atorò i ndaty irehafa’oy fa tena te hagnampe aze rehe.

Eretsereto ty olagne mete atrehe i ndatỳ. Saintsaigno ty raha mete mahazo aze, sady inogne ty tsapa’e. Hiferenaigne aze rehe naho manao izay, sady ho vokatse ty fo’o ka ty raha rehafe’o.
Filio soa ty rehake horehafe’o. Anò tanjogne tihoe hahavelombolo aze, hampionogne aze naho hampahery aze. Ko manao rehake mete hahaboseke aze, sady ko magnaratiraty fivavahagne hafa ndra ty raha inoa iareo.
Atorò aze fa ndaty soa fagnahy rehe. Anò malemeleme ty gadogado ty feo’o, sady atorò amy ty fihetseke atao’o fa mipay ze hahasoa aze rehe. Mitaoa soa rehe tsy hanao tarehe o ndaty boseke ndra masiake, fa mba mihehea mateteke.

Ko seregne ty fanehoa’o fihetseham-po. Naho fa mamaky teny rehe, le ze fihetseham-po agnate i fehentsoratsey ao ro aboaho, faie ko misarike i ndatỳ ho amy ty tegna’o loatse. Mirehafa aman-kasoa fagnahy naho aman-katea naho fa magnazava.