Ino ty Fikasan’Andrianagnahare ho Antika?

Rehafe ty Baiboly fa “fohe sady feno haoreagne” ty fiaigna o ndatio. (Joba 14:1) Izay vao ty fikasan’Andrianagnahare ho antikagne? Naho raha soa ty nisafirien’Andrianagnahare ho antikagne, le mbe ho tanterake vao zay? Ho trea’o ato fa mampahery ty vale’e mey ty Baiboly.

1. Fiaignagne manao akore ty tean’Andrianagnahare ho antikagne?

Tea i Jehovah hanagne fiaignagne fara’e soa tikagne. Naho fa namorogne i Adama naho i Eva reke, le natobo’e tamy i paradisa soay ao iareo. Atao tihoe tonda i Edena io. Naho fa niavy eo, le “nitso-drano iareo ty Andrianagnahare, sady nanao tihoe: ‘Managna taranake, sady mihamaroa le mamenoa ty tane toy. Anjakao ty tane toy.’” (Genesisy 1:28) Tea i Jehovah hanagne anake iareo, sady hagnova ty tane toy iaby ho paradisa ro hikarakara o bibio. Ty tanjo’e le tihoe ho salama soa sady hiaigne nainai’e an-tane etoy o ndatio.

Tsy hoe izay ty fiaignantikagne amy hinane zao,a faie tsy miova i fikasan’Andrianagnahare ho antikagney. (Isaia 46:10, 11) Mbe tea’e hiaigne nainai’e naho ho sambatse ze ndaty mankatò aze.​—Vakio ty Apokalypsy 21:3, 4.

2. Ino ty hagnampe antikagne ho sambatse manomboke amy izao?

Te hahafantatse an’Andrianagnahare naho te hanompo aze tikagne satria finoro’e mba hipay ty tari-dala’e. (Vakio ty Matio 5:3-6.) Tea’e ho mpinamagne maifitse ama’e ka tikagne, ‘handeha amy ty lala’e naho ho tea aze,’ sady hanompo aze ‘amy ty fontikagne.’ (Deoteronomia 10:12; Jakoba 2:23) Naho fa manao izay tika, le tena ho sambatse ndra tie managne olagne aza. Manjare misy dika’e ty fiaignantikagne naho fa manompo i Jehovah tika satria miaigne mifagnarake amy ty fitsipi’e.

3. Tea i Jehovah ho sambatse o ndatio

Alefaso i VIDEO oy, sady iharò midineke ty fagnonteneagne toy naho fa avy eo.

VIDEO: Ino ty Anto’e Namorognan’Andrianagnahare ty Tane Toy?​—Tapatapa’e (1:41)

• Ino ty anto’e namorognan’Andrianagnahare ty tane fanjaka toy?

Vakio ty Mpitoriteny 3:11, sady iharò midineke ty fagnonteneagne toy naho fa avy eo:

• Arake o andine’e iohoe, ino ty tanjo i Jehovah naho fa namorogne antikagne reke?

4. Tsy miova i fikasan’Andrianagnahare ho antikagney

Vakio ty Salamo 37:11, 29 naho ty Isaia 55:11, sady iharò midineke ty fagnonteneagne toy naho fa avy eo:

• Nagnino tika ro mirehake fa tsy miova i fikasà i Jehovah miomba antikagney?

5. Manjare misy dika’e ty fiaignantikagne naho fa manompo i Jehovah tikagne

VIDEO: Nianarako fa Misy Dika’e ty Fiaignagne (5:03)

• Ino ty soa nirambese i Terumi naho fa nahafantatse ty anto’e namorognagne antikagne reke?

Vakio ty Mpitoriteny 12:13, sady iharò midineke ty fagnonteneagne toy naho fa avy eo:

• Nanao raha maro ho antikagne ty Jehovah. Akore ty ampisehoantikagne fa mankasitrake i raha rey tikagne?

FAMINTIGNAGNE

Tea i Jehovah hiaigne nainai’e an-tane etoy naho ho sambatse tikagne. Manjare misy dika’e ty fiaignantikagne manomboke amy izao naho manompo aze amy ty fo tikagne.

Fameregnagne

• Fiaignagne manao akore ty nirie i Jehovah hoahy i Adama naho i Eva?

• Akore ty ahafantarantikagne fa tsy miova ty fikasan’Andrianagnahare hoahy o ndatio?

• Ino ty hagnampe azo ho sambatse manomboke amy izao?

FAGNAZAVAGNE FAGNAMPE’E

Dineho ato ty porofo fa tena nisy i tonda i Edenay.

“Tena Nisy vao i Tonda i Edenay?” (Fitalakesan-davitse 1 Janvie 2011)

Ino ty porofo fa tsy ho poteke ty tane toy?

“Ho Poteke vao ty Tane Toy?” (Lahatsoratse amy jw.org ao)

Ino ty anto’e namorognagne antikagne naho ty Baiboly ro henteagne?

“Ino ty Anto’e Ivelomantikagne” (Lahatsoratse amy jw.org ao)

Nieretseretse ty lahilahy raike toy fa nanagne ze kila raha reke. Faie trea’e fa nisy raha manke ty tamy ty fiaigna’e.

Misy Dika’e Amizao ty Fiaignako (3:55)