Mivognona Hagnampe o Ndatio Hanjare Mpianatse

Akore ty Nampisehoa i Jesosy Izay?

VIDEO: Mampianatse i Nikodemosy ty Jesosy

1. Henteo i VIDEO oy ndra vakio ty Jaona 3:1, 2, le valeo ty fagnonteneagne retoagne:

1. Ino ty va’e ho anto’e nahavy i Nikodemosy nandeha mbamy i Jesosy mbeo halegne?​—Henteo ty Jaona 12:42, 43.

2. Ino ty mampiseho fa tapa-kevetse ty hampianatse ty Jesosy?

Ino ty Ianarantikagne Boake amy i Jesosy?

2. Atorontikagne tie teantikagne o ndatio naho fa tapa-kevetse ty hagnampe iareo hanjare mpianatse tikagne.

Tsikombeo ty Jesosy

3. Ampifagnaraho amy ze lera naho ze toeragne mete amy i mpiana’oy ty ampianaragne aze. Va’e misy andro ndra lera voafaritse soa tena mete amy i mpianatsey. Tea’e vao naho atao am-piasa’e agne, an-tragno’e agne, ndra amy ty toeragne maro ndaty i fianaragney? Naho mbe azo atao, le ovao hifagnarake amy ze mete ama’e ty fandaharam-potoa’o.

4. Anò tsy tapake i fianaragney. Naho tsy ho eo rehe, le ko ajanogne i fianaragney. Dineho zao:

1. a. Afake mampianatse aze amy ty andro hafa amy i heregnandro igne avao vao rehe?

2. b. Afake manao i fianaragney amy ty alala ty telefony ndra vidéoconférence vao rehe?

3. d. Ke misy mpitory hafa afake mampianatse aze?

5. Mivavaha mba hanagna’o toe-tsaigne soa. Angataho ty Jehovah mba hagnampe azo tsy ho kivy amy i mpianatsey ndra tie va’e manapatapake i fianaragney aza reke ndra elaela vaho mampihatse ze raha ianara’e. (Fil. 2:13) Toe managne toetse soa maro i mpiana’oy, le mivavaha mba hifantoke amy irey.