FAGNAZAVAGNE FAGNAMPE’E D

**Akore ty Fampiasagne i Ankamamio Nainai’e o Fiaignagneoy! Naho fa Mampianatse Baiboly?**

Nivavake mateteke sady nanao fikarohagne soa o rahalahio naho fa nandineke ty fagnazavagne hazilike amy i fitaovagne Ankamamio Nainai’e o Fiaignagneoy! Mba hahaiagne mampiasa aze soa, le oriho ty raha atoro ambane eto retoa naho fa mampianatse Baiboly rehe.

Ty atao aloha i fianaragney

1. Magnomana soa. Eretsereto ty raha ilae i mpiana’oy, ty raha iaigna’e ndra ty raha inoa’e naho fa manao izay rehe. Eretsereto ty raha va’e ho sarotse ama’e ty hahazo aze ndra ty hampihatse aze. Dineho ke misy fagnazavagne va’e hagnampe i mpiana’oy amy i tihoey “Fagnazavagne Fagnampe’e.” Ampiasao ka o fizaràgne iohoe naho fa mianatse nareo naho ilaegne ty manao izay.

Ty atao naho fa miara-mianatse

2. Atomboho sady faragno amy ty vavake naho tsy mampagnahy i mpianatsey.
3. Mitaoa tsy ho bey rehake. Mifantoha amy ze fagnazavagne amy i fitaovagney ao, sady engao hirehake i mpianatsey.
4. Naho fa hanomboke fizaràgne vaovao, le vakio i fehezanteny mampilitse i fizaràgneỳ sady rehafo ty lohan-drehake tsiampeampe amy i lesogney.
5. Naho fa mahavita fizaràgne raike rehe, le ampiasao i fameregnagne amy i fizaràgneỳ mba hagnampeagne i mpiana’oy hahatsiaro i hamarenagne nianara’e rey.
6. Naho fa miara-mianatse ty lesogne tsikiraidraike amy i mpiana’oy rehe, le:
1. a. Vakio i fehentsoratsey.
2. b. Vakio ze andinin-teny misy soratse tihoe “Vakio.”
3. d. Vakio ze andinin-teny hafa agnate i fitaovagney ao naho ilaegne.
4. e. Alefaso ze video misy soratse tihoe “Alefaso” (naho managne rehe).
5. f. Apetraho amy i mpianatsey i fagnonteneagne rey.
6. g. Risiho i mpianatsey hagnente ze sare amy ty fizaràgne tihoe “Andao Handineke ty Pitsopitso’e”, sady hagnazava irey.
7. h. Ampiasao ty efajoro tihoe “Anò toy” mba hagnampeagne i mpiana’oy hahatrea ty fandrosoa’e. Azo’o risihegne reke hagnorike i raha ampanoegne azey, hametrake tanjogne hafa, ndra hanao iareo roe mitambatse.
8. i. Agnonteneo ty heve i mpianatsey lohotsie naho nitea’e ty namaky ty raike amy i lahatsoratse amy “Fagnazavagne Fagnampe’e” ao, ndra ty nagnente ty raike amy i video rey, tamy ireke nagnomagne i lesogney.
9. j. Mikezaha hamita lesogne raike isake tie mianatse nareo.

Ty atao naho fa boake nianatse

7. Eretsereto avao ty miomba i mpiana’oy. Mivavaha amy i Jehovah mba hitahy ty fandrosoa i mpiana’oy sady hagnomey azo fahendreagne mba hahafantara’o ty fomba hagnampeagne aze.