Fagnazavagne

MPANDRAMBE AMBAHINY Tinendre hagnampe azo iareo. Faie mangatake ajafady ama’o tsy hizizo naho fa toroa iareo ty hisy azo. Agnisa izay ohatse ty hametrahagne o tobileo ndra o motò ndra o sareteo, ty fomba handaminagne o mpagnatrekeo, ty fitanagne pilasy naho ty raha hafa.

BADISA Trea aloha i polipitray eo ty pilasy hoahy ze hatao badisa amy i havoriambeỳ. Toko’e fa hamonje ty fitobohagne natokagne ho aze iareo naho fa Sabotsy maraindraigne, aloha ty hanomboha ty lahajaka i badisay. Sambe toko’e hinday akanjo tsy mahamegnatse naho lambahoany iareo.

FAGNOMEZAGNE Maro ty vola nilaniegne mba hagnasoàgne ty havoriambey toy sady hahavy antikagne hiharine i Jehovah. Agnisa izay ty nanoagne seza naho parilera (sonò) vaho ekirà. Magnampe amy ty fagnoneragne ze raha nilany ty fagnomezagne atao’o sady mampandroso ty asa i Fanjakagney. Misy boate maro nanoegne mba hisia’o ze vola foe’o ty amy ty havoriambey toy. Afake manao fagnomezagne amy ty alala ty Internet ka rehe amy donate.jw.org ao. Tombotsoa lahibey ty fanoagne fagnomezagne. Misaotse azo ty Filan-keve-pitantanagne amy ty fatariha’o mba hanohagnagne ty asa i Fanjakagney.

FITSABOAGNE MEKE Ko haligno fa ze mipay fitsaboagne meke avao ro mahazo mandeha mbeo.

FISIAGNE ZE RAHA MONTSO NAHO ZE RAHA TREA Toko’e handesegne amo o sampan’asa iohoe ao ze raha trea. Mandehana mbamo o sampan’asa iohoe mbeo rehe naho nimontso raha, le paliao ao i raha’o nimontsoy. Toko’e handesegne agne ka ze ajaja montso. Faie mba tsy hisehoa izay, le ambeno ty ana’o sady ko engagne hisintake azo.

FITOBOHAGNE Paliao ze hahasoa ty hafa. Tsiarovo fa ze longo’o maifitse azo, ze miharo tragno ama’o, ze miharo tobile ama’o vaho ze mpiana’o Baiboly avao ro toko’e hitana’o fitobohagne. Ko isiagne entagne ze seza tsy hitoboha’o, amy izay hitoboha ty ila’e.

ASA AN-TSITRAPO Naho te hanao asa an-tsitrapo rehe, le mirehafa amy ze tinendre hiandraikitse o sampan’asa iohoe mba hanoroa’e azo ty asa hanoegne.