Fagnazavagne

MPIKARAKARA MPAGNATREKE Tinendre hagnampe azo iareo. Faie ko mizizo ajafady naho fa omea iareo toromareke miomba ty raha retoagne rehe: ty hametrahagne tobile, motò, sarete, ty fandaminagne ty mpagnatreke, ty fitanagne pilasy naho ty raha hafa.

BADISA Trea aloha i polipitray eo ty pilasy hoahy ze hatao badisa amy i havoriambeỳ. Toko’e fa hamonje ty fitobohagne natokagne ho aze iareo naho fa Sabotsy maraindraigne, aloha ty hanomboha ty lahajaka i badisay. Toko’e ho akanjo tsy mahamegnatse ty hisikana iareo naho fa hatao badisa.

FAGNOMEZAGNE Maro ty fandaniagne natao tamy ty fandaminagne ty raha retoa: seza, sonò, fitaovagne fandefasagne video vaho ty raha hafa, mba hahavy ty havoriambey toy hahafinaritse naho hahavy antika vao mainke hiharine i Jehovah. Magnampe amy ty fagnoneragne ze raha nilany ty fagnomezagne atao’o sady mampandroso ty asa i Fanjakagney. Misy boate maro nanoegne mba hisia’o ze vola foe’o ty amy ty havoriambey toy ato. Afake manao fagnomezagne amy ty alala ty Internet ka rehe amy donate.jw.org ao. Tombotsoa lahibey ty fanoagne fagnomezagne. Misaotse azo ty Filan-keve-pitantanagne amy ty fatariha’o mba hanohagnagne ty asa i Fanjakagney.

FITSABOAGNE MEKE Ko haligno fa ze mipay fitsaboagne meke avao ro mahazo mandeha mbeo.

FISIAGNE ZE RAHA MONTSO NAHO ZE RAHA TREA Toko’e handesegne amo o sampan’asa iohoe ao ze raha trea. Mandehana mbamo o sampan’asa iohoe mbeo rehe naho nimontso raha, le paliao ao i raha’o nimontsoy. Toko’e handesegne agne ka ze ajaja montso. Faie mba tsy hisehoa izay, le ambeno ty ana’o sady ko engagne hihalavitse azo.

FITOBOHAGNE Paliao ze hahasoa ty hafa. Tsiarovo fa ze longo’o maifitse azo, ze miharo tragno ama’o, ze miharo tobile ama’o vaho ze mpiana’o Baiboly avao ro toko’e hitana’o fitobohagne. Ko isiagne entagne ze seza tsy hitoboha’o, amy izay mba hitoboha ty ila’e.

ASA AN-TSITRAPO Naho te hanao asa an-tsitrapo rehe, le mirehafa amy ze tinendre hiandraikitse o sampan’asa iohoe mba hanoroa’e azo ty asa hanoegne.

Alamy ty Filan-keve-pitantana ty Vavolombelo i Jehovah