FIAIGNANTIKA KRISTIANA
Hasoao ty Fanompoa’o: Kezaho Hitoriagne ze Ndaty amy i Faritaney Ey
NAGNINO ZAY RO PALIAEGNE: Naminany ty Zakaria fa handrambe soa i talily soay ty ndaty boake amy ty firenena sambe hafa. (Za 8:23) Faie ia ty hampianatse iareo? (Ro 10:13-15) Managne tombotsoa naho andraikitse hizara i talily soay amy ze kila ndaty amy ty faritanentikagne ao tikagne tsikiraidraike.—od 83-84 § 10-11.
AKORE TY FANOAGNE AZE:
Magnomana. Akore ty atao naho tendreke ty ndaty tsy mitovy amy ty fireha’o rehe? Azo’o atao ty mampiasa JW Language mba hianara’o fomba fitory tsotra. Ndra mampiasá fitaovagne hafa mba hampisehoagne amy i ndatỳ ty fomba hahatreava’e fagnazavagne ila’e miomba i talily soay amy ty fireha’e amy jw.org ao
Mahaia mandineke. Naho mitory isan-tragno rehe, le tsy toko’e ho riogna’o avao ze ndaty trea’o ndra ndaty mandigne bus ndra taxi. Naho mandrambe anjara amy ty fitoriagne amy ty toeragne maro ndaty rehe, le ko haligno fa ty hirehake ty hamarenagne ro tanjo’o
Mikezaha hazoto. Miheregna amy ze ndaty tsy tratse an-tragno. Mila miheregne amy ty lera ndra andro hafa varagne rehe mba hahatreavagne ndaty amy ty tragno tsikiraidraike. Va’e ho amy ty fitoriagne an-taratasy ndra an-telefony ndra an-dalagney ty ahafahagne mitory amy ty ndaty ila’e
Ampeo ze liagne. Le avy le miheregna naho misy ndaty liagne. Naho mirehake firehake hafa i ndatỳ, le mikezaha hipay ndaty afake magnampe aze amy i firehake hai’ey. Toko’e hikezake hifandrambe amy i ndatỳ avao rehe amparake ty hahatreava’o mpitory mahay ty fireha’e.—od 94 § 39-40
HENTEO TY VIDEO FITORIAGNE AMY TY “FARITSE FARA’E LAVITSE”, LE VALEO RETOA:
Ino ty fiomanagne natao i rahalahy naho i rahavave rey aloha ty handehana iareo? (1Ko 9:22, 23)
Ino ty raha sarotse natrehe iareo?
Ino iaby ty fitahiagne niazo iareo?
Ino ty azo’o atao mba hitoriagne mateteke amy ty ndaty maro amy ty faritane’o ao?