Isintaho ze Ragnetse Malaigne i Jehovah

Nagnino tika ro toko’e hanao izay? Satria va’e handrisike antika hanao raha soa ndra hanao raty ty ndaty hifagnosehoseantika. (Oh 13:20) I Joasy Mpanjaka zao, “nanao ty maregne tagnatreha i Jehovah” avao naho fa nifagnosehose tamy i Joiada Mpisorom-bey. (2Ta 24:2) Ie nimate ty Joiada, le nivalike tamy i Jehovah ty Joasy satria niarake tamy ty naman-draty.—2Ta 24:17-19.

Nampitovie i apostoly Paoly tamy ty “tragno jabajaba” raike ty fiangonagne Kristiana tamy ty taonjato voaloha’e. Le mitovy amy ty ‘fitaovagne’ agnate tragno ao ty ndaty agnisa i fiangonagney. Hanahake ‘ty fitaovagne natao hampiasaegne amy ty raha sarobily’ tikagne naho tsy mifagnosehose amy ze ndaty manao ty raha heje i Jehovah, ndra agnisa ty keleiantikagne zay ndra agnisa ty fiangonagne. (2Ti 2:20, 21) Mikezaha areke hipay namagne tea i Jehovah naho handrisike azo hanompo aze.

HENTEO TY VIDEO MIKEZAHA TSY HIARAKE AMY TY RAGNETSE RATY, LE VALEO RETOA:

• Ino iaby ty va’e hahavy antika hiarake amy ty ragnetse raty ndra tie tsy tsapantikagne aza zay?

• Ino ty nagnampe i Kristiana telo tamy i video taoy tsy hiharo amy ty naman-draty sasa?

• Ino ty toro lala ty Baiboly afake magnampe antika mba hahay hifily namagne?