Ino ty Azo’o Ianaragne Boake amo o Hira amy Tele JW ao Reo?

Ty manao akore amo o hira amy Tele JW ao reo ty tena tea’o? Sady ino ty anto’e iteàva’o aze? Hita’o vao fa mampiseho ty raha iaignantikagne isan’andro i video aseho ama’e rey? Isan-karaza’e ty mozike amy i hira rey sady mirehake raha sambe hafa. Sambe mandrambe soa iaby tika tsikirai-draike. Faie tsy natao ho tsanognagne avao i hira rey.

Misy lesogne azontikagne ampiharegne amy ty fiaignantika naho amy i fanompoagney ey i hira rey. Ty ila’e mirehake miomba ty fandrambesagne ambahiny, firaisan-tsaigne, namagne, herim-po, hatea ndra finoagne. Ty ila’e ka mandrisike antikagne hiheregne amy i Jehovah, hamela heloke, tsy hivalike isan’andro sady hagnatratse tanjogne ara-pagnahy. Ty hira ila’e mampianatse antika mba hahay hanahatsahatse naho fa mampiasa telefony. Ino ka ty lesogne hafa nianara’o amy i hira rey?

HENTEO TY HIRA TIHOE EFA AO AMBADIKA AO, LE VALEO RETOA:

• Ino iaby ty fitahiagne nisaintsaigne i mpivaly fa antetse rey?—Ge 12:3

• Ino ty hagnampe antikagne hatoky fa mahavita magnatanterake ty fampitamà’e ty Jehovah?

• Afake hifankatrea amy ia tika tsy ho ela?

• Nagnino ro magnampe antika hiatreke ty raha manahiragne antikagne ty misaintsaigne ty raha ampitamae i Fanjakagney?—Ro 8:25