Vognogne vao Rehe?

Vognogne vao rehe naho misy loza arake ty natiora ty amy ty faritse misy anareo agne? Va’e hiseho tampoke sady handravarava ty horohoron-tane, ty tiobey vaho ty tondra-drano. Va’e hiseho amy ze kila tane naho amy ty fotoagne tsy ampoizegne ka ty asa fagnorohoroagne, ty korontagne, naho ty aretegne mifindra. (Mpto 9:11) Tsy toko’e hieretseretse tika tie tsy hisy izay ty amantikagne agne.

Mila manao ze azontikagne atao tika mba hiomanagne amy ty loza. (Oh 22:3) Maregne aloha fa magnampe ty fandaminagne naho fa misy loza miseho. Faie toko’e hiomagne avao tikagne. Andraikitika tsikiraidraike zay.—Ga 6:5.

ALEFASO TY VIDEO TIHOE VOGNOGNE VAO REHE NAHO MISY LOZA ARAKE TY NATIORA?, LE VALEO RETOA:

• 

  Nagnino ro tena ilaegne ty mifandrambe marine amy i Jehovah naho fa misy loza miseho?

• 

  Nagnino ro tena lahibey ty...

  • • mifampirehake amy ty androanavi-pagnahy mateteke aloha i lozay, ndra amy i fotoagne isehoa’ey ndra afara’e?

  • • magnomagne kitapo kedekede misy ty raha tena ilaegne?—g17.5 6

  • • mandineke tie ino iaby ty loza va’e hiseho, le ino ty azo atao?

• 

  Ino ty fomba telo azontikagne agnampeagne ty hafa naho fa misy azon-doza iareo?