Vognogne vao Rehe Naho Misy Aly Ndra Goreve?

Arakarake ty agnarinea ty fara ty tontolo toy le azo inoagne fa hitombo o goreveo naho o korontagneo vaho o alio. (Ap 6:4) Ino ty azo’o atao mba hiomanagne amy ty loza va’e hiseho amy ty hoavy?

• Miomàna amy ty lafi’e ara-pagnahy: Mipaliava toro lalagne naho tantara agnate Baiboly ao hagnampe azo hatoky i Jehovah naho ty fandamina’e sady tsy hanohagne ty atia naho ty aroa. (Oh 12:5; jr 125-126 § 23-24) Izao ty fotoagne hampitomboagne ty fifankateavagne amo o fiangonagneo.​—1Pe 4:7, 8

• Miomàna amy ty raha ilaegne hiatrehagne i lozay: Fantaro mialoha ty fitaoagne toko’e hatao naho ze raha ilaegne naho ohatse rehe hijanogne an-tragno’o ao avao. Faie fantaro ka ty raha toko’e hatao’o naho tsy maintsy miakatse ty ao rehe. Hamaregno ty raha agnate i kitapo kedekede misy raha ilaegney ao, sady mindesa vola naho ty raha hafa tena ilaegne. Anò azo antoke tie managne ty nimerò ty androanavi-pagnahi’areo rehe sady afake mifandrambe ama’o ka iareo.​—Is 32:2; g17.5 3-7

Naho fa agnate i alỳ ndra i gorevey, le tohizo avao ty fahazara’o manao raha ara-pagnahy. (Fi 1:10) Ko mifindrafindra toeragne, naho fa miakatse i tragno’oy. (Mt 10:16) Zarao amy ty hafa ze hanegne ndra ty raha ilaegne ila’e anagna’o.​—Ro 12:13.

ALEFASO TY VIDEO TIHOE VOGNOGNE VAO REHE NAHO MISY LOZA? LE VALEO RETOA:

• Akore ty agnampea i Jehovah antikagne naho fa misy loza?

• Inogne iaby ty raha toko’e hataontika mba hiomanagne amy ty raha va’e hiseho?

• Akore ty azontikagne agnampeagne ze ndaty niazon-draha?