Ty Raha Tena Sarobily Tamy i Tragnolay Masigney Tao

25:9, 21, 22

I Vata misy i fifagnekeagneỳ ty raha tena sarobily tamy i tragnolay masigney tao naho tamo o tobe o Israelitao tao. Nisy rahogne ty tagnelagnela i kerobima roa amy i lombo i Vatay teo rey. Izay ty mampiseho fa magnatreke eo ty Andrianagnahare. Nilitse tamy i fara’e masigney tao i mpisorom-beỳ, tamy ty andro Fandrongonam-pahotagne. Nafitse’e taloha i lombo i Vatay ao ty lio ty agnombe lahy raike naho ty lio ty ose lahy raike, mba handrongonagne ty fahota o Israelitao. (Le 16:14, 15) Mifagnitsy amy ty raha natao i Jesosy tafara tatoy zay. Mpisorom-bey ka reke, sady niseho tagnatreha i Jehovah an-dagnitse agne, mba hanolotse ty lio natsopa’e.—He 9:24-26.

Tsiefa ty soa rambesentika noho i solovoigney. Ampifandrambeso amy ze mifagnitsy ama’e ty andine’e tsikiraidraike:

ANDININ-TENY

• 1Jn 1:8, 9

• He 9:13, 14

• Ro 6:23

TY SOA RAMBESENTIKAGNE

• mitamà havelogne nainai’e

• mahazo famelan-keloke

• managne feo ty fieretseretagne malio

Inogne ty toko’e hataontikagne naho te hahazo o fitahiagne reo tika?